[ad_1]
( प्रगत भारत । pragatbharat.com)
इन्सुलिनला प्रतिकारासाठी पोषण महत्त्वाचे
पीसीओएस असलेल्या अनेक महिलांच्या शरीरात इन्सुलिनला प्रतिकार केला जातो, याचा अर्थ असा की, त्यांच्या शरीरात इन्सुलिन तयार होऊ शकते पण ते प्रभावीपणे वापरले जाऊ शकत नाही. यामुळे रक्तातील इन्सुलिनची पातळी वाढते, परिणामी ओव्हरीजमध्ये अँड्रोजेन किंवा पुरुष हार्मोन्सची निर्मिती वाढून पीसीओएसची लक्षणे बळावतात. यामुळे टाईप २ मधुमेहाचा धोका देखील वाढतो.
वजनाचे व्यवस्थापन
पीसीओएसमुळे हार्मोन्समध्ये असंतुलन होते, त्यामुळे महिलांना स्वतःच्या वजनावर नियंत्रण ठेवणे कठीण जाते. संतुलित व पोषक आहार घेतल्यास वजन निरोगी राखण्यात व पीसीओएसच्या लक्षणांचा प्रभाव शमवण्यात मदत मिळू शकते.
(वाचा – ४ अशा महिलांना आहे ओव्हरियन कॅन्सरचा धोका, सुरूवातीच्या ७ सायलेंट लक्षणांना वेळीच ओळखा)
हार्मोन्सचे संतुलन
काही खाद्य पदार्थांचा हार्मोन्सच्या पातळीवर प्रभाव होतो. उदाहरणार्थ, भाज्या, टोफू, लसूण, ब्रोकोली, अळशी इत्यादी फायटोऍस्ट्रोजेंस भरपूर प्रमाणात असलेल्या खाद्य पदार्थांमुळे एस्ट्रोजेनची पातळी संतुलित राहण्यात मदत होऊ शकते. शरीरातील दाह कमी करणारे खाद्य पदार्थ पीसीओएसमध्ये उद्भवणारी दाहजनक लक्षणे कमी करू शकतात.
PCOS साठी पौष्टिक आहार
पीसीओएस असलेल्या महिलांनी आपल्या आहारात पुढील गोष्टींचा समावेश अवश्य करावा:
- ज्यांचा ग्लायसेमिक इंडेक्स कमी आहे असे अन्नपदार्थ यामुळे रक्तातील शर्करा स्तरामध्ये धीम्या गतीने वाढ होते आणि इन्सुलिनला केल्या जाणाऱ्या प्रतिकारावरही हे उपयुक्त ठरू शकते. उदाहरणार्थ, संपूर्ण धान्ये, कडधान्ये, दाणे व बिया इत्यादी
- ओमेगा ३ फॅटी अ‍ॅसिड्स: अळशी, अक्रोड आणि मासे यासारख्या पदार्थांमध्ये ओमेगा-३ भरपूर प्रमाणात असते, त्यामुळे शरीरातील दाह कमी होण्यात आणि इन्सुलिनप्रती संवेदनशीलतेमध्ये सुधारणा होते
- रिफाईंड कार्बोहायड्रेट्स आणि साखरेचे सेवन मर्यादित राहू द्या. रिफाईंड साखरेचे प्रमाण ज्यामध्ये खूप जास्त असते अशा खाद्य पदार्थांचे व पेयांचे सेवन कमी केल्याने इन्सुलिन पातळीच्या व्यवस्थापनात मदत मिळू शकते. साखरेऐवजी नैसर्गिक साखरेचे पर्याय देखील तुम्ही घेऊ शकता
(वाचा – Vitamin B12 Deficiency मुळे जाऊ शकते स्मरणशक्ती, ६० वर्षापर्यंत होऊ शकतो गंभीर आजार)
असा असावा संतुलित आहार
- प्रथिने, चांगले फॅट्स आणि कॉम्प्लेक्स कार्बोहायड्रेट्स यांचा योग्य प्रमाणात समावेश असलेला आहार म्हणजे संतुलित आहार. तुमच्या दैनंदिन आहारात फळे, भाज्या, लीन प्रोटिन्स आणि संपूर्ण धान्यांचा समावेश असलाच पाहिजे
- दुग्धजन्य पदार्थ आणि सोयाचे सेवन मर्यादित राहू द्या: दुग्धजन्य पदार्थ आणि सोयामुळे त्रास होत असल्यास, त्यांचे सेवन कमी करावे
- हायड्रेटेड राहा: भरपूर पाणी प्या, त्यामुळे शरीरातील चयापचय प्रक्रियांना चालना मिळते.
(वाचा – एंडोमेट्रिओसिस करते प्रजनन क्षमतेवर परिणाम, तज्ज्ञांचे मत)
हे पदार्थ टाळावेत
बेकरी उत्पादने, मैदा, गोठवलेले आणि तळलेले पदार्थ, साखर, थंड पेये हे पदार्थ तुम्ही खाऊ नयेत. तसंच निरोगी आहार, व्यायाम, पुरेशी झोप, ताण व्यवस्थापन आणि औषधे यांचा एकत्रित उपयोग ही पीसीओडीवरील सर्वसमावेशक उपचार पद्धती आहे.
पोषणाची काळजी घेणे हा जरी उपचार नसला तरी त्यामुळे पीसीओएसची अनेक लक्षणे कमी करण्यात मदत होऊ शकते. वैयक्तिक मार्गदर्शनासाठी पोषणतज्ज्ञ किंवा डॉक्टरांचा सल्ला घ्यावा.
[ad_2]
